مبروك لمحمد صلاح ومبروك لكل المصريين وكل مصر حصول محمد صلاح على أفضل
لاعب في أفريقا لعام 2017 ..
محمد صلاح فخر لينا كلنا مش مجرد
لاعب محترف وخلاص ، ولا حتى لاعب بيجيب بطولات وله إنجازات وله لمساته..
محمد صلاح هو قصة نجاح كبيرة جداً ومستمرة بمشيئة ربنا..
وقصة كفاح كبيرة جداً ، واللي يدور وراء محمد صلاح ، هيلاقيه طالع من تحت
الصفر..
لإن في ناس عادية بتشوف اللي بيحصل ده عادي والنجاح والشهرة دي حاجة سهلة ،
ماتعرفش إن اللي بيحصل لأي حد بينجح ويستمر ناجح ، نابع من صدق ويقين في ربنا ، مش
مجرد فرقعة وخلاص ، زي ناس كتير وأسامي كتير ظهرت فاجئة ومالهاش بصمة في حياتنا
حالياً ، ولا حتى بنفتكرها ...
ودلوقتي هنقولكم شوية معلومات عن محمد صلاح...
الأسم بالكامل:
محمد صلاح حامد غالي طه
محمد صلاح من مواليد 15 يونيو 1992
وهو لاعب الجناح الأيمن لفريق ليفربول
طوله 1.75 سم
وزنه : 71 كيلو جرام
الفرق الحالية : ليفربول و منتخب مصر لكرة القدم
أهم الجوايز :
جايزة الاتحاد الأفريقي لكرة القدم لأفضل لاعب صاعد في 2012
جائزة بي بي سي لأفضل لاعب أفريقي في 2017
جائزة الاتحاد الافريقي لكرة القدم لأفضل 11 لاعب أفريقي في 2017 – 2018
أفضل لاعب أفريقي لعام 2017
بدأ مسيرته الكروية في نادي المقاولون العرب ، واللي علشان يوصل انه يبقى
في نادي المقاولين عمل المستحيل وشق في الصخر ، وكان بيسافر بالساعات يومياً علشان
يحضر التمرين ،
من الفرق اللي لعب لها محمد صلاح في مسيرة إحترافة الأوربية ...
فريق بازل السوسري
فريق تشيلسي الإنجليزي
فريق فورينتينا الإيطالي
فريق روما الإيطالي
وحالياً ليفربول ، واللي بتشهد معاه أروع مستوى لمحمد صلاح ، ونضوج فني على
مستوى الأداء العالي ...
.. واللي بيعتبر عام إستثنائي لصلاح ومنتخب مصر..
لإن صلاح ساهم بشكل كبير في وصول مصر لكاس العالم 2018 في روسيا...
حصل محمد صلاح على أفضل لاعب في الدوري أكثر من مرة ، وهو بيلعب مع
ليفربول..
تصدر هدافي الدوري الإنجليزي لعام 2017
أهداف محمد صلاح :
مع المقاولين العرب 12 هدف في 44 مباراة
مع بازل السوسري في موسمين : 20 هدف في 79 مباراة
مع تشيلسي : هدفين في 19 مباراة
مع فورنتينا الإيطالي : 9 أهداف في 26 مباراة
مع روما : 34 هدف في 83 مباراة
مع ليفربول : 23 هدف في 29 مباراة
غير أهدافه مع منتخب مصر طبعاً ، ومازال التألق والنجاح مستمر...
محمد صلاح قصة حياته محتاجة وقت أكبر ومحتاجة شغل جامد علشان نعرف كل
التفاصيل ...
والخلاصة إن محمد صلاح إنسان عادي كان عنده حلم ، وثق في ربنا ، ربنا فتح
عليه ، وبدل ما كان هيبقى لاعب محلي ، شاء ربنا إنه يحترف ويبقى من أهم وأغلى
لاعبي أفريقا على مستوى تاريخ كرة القدم، وبلا شك هو فخر لمصر وقدوة حقيقية ...
مش بقولك خليك محمد صلاح ، ولا طلع عيالك يلعبوا كرة علشان يبقوا زي محمد
صلاح ، بقولك ربي عيالك علشان يبقوا أخلاق زي محمد صلاح ومحمد أبو تريكه وكل
المحترمين ، لإن ناجحهم مبني على حب الناس وتوفيق ربنا...
ربيهم صح وأزرع .. هتحصد صح...
فيديو : خواطر - محمد صلاح - أحمد محمد عبد المنعم
ليست هناك تعليقات
الأبتساماتأخفاء الأبتسامات